.

.

Jan 16, 2017

යා දෙක නොරත රත(න) හා ෆීල්ඩ් මාර්සොල් වීරකුමාර දිසානායක



යහපාලනය ගෙන ඒමේ පුරෝගාමි මෙහෙවරක් කොරාපු, රතන හාන්දුරුවෝ ඊයේ ආන්ඩුවෙන් එළියට වැඩලා ස්වාධීනව ඉන්නවැයි කියලා කිව්වාය. හැබයි ඉතින් මේ අම්මට සිරි ලංකාව කියන රටේ, ස්වාධීන කියන වචනේ නිර්වචනය වෙන්නේ කොහොමද කියන එක හිතා ගන්න අමාරූ, ස්වාධීන රූපවාහිනියයි, ස්වාධීන පත්තර සමාගමුයි දැක්කමය. උන්ටත් අවුල්ම වගේ තේරෙන නිසාද කොහෙදෝ, ඔය සුවාධීන රූපවාහිනියට, පවුලේ නාලිකාවෙයි කියලත් කියනවාය. ඒ නිසා රතන හාන්දුරුවන්ගේ ස්වාධීනේ මොන ජාතියේ එකක්ද කියලා බලාගන්න වෙන්නේ අනාගතේදීය.

Jan 14, 2017

මේ රටේ මිනිස්සු, තනිකර කෙලින්නේ පිස්සූ මචං - Tribute to Deepal Silva



අම්මට සිරි ලංකාව ගැන කියන්න තියෙන හොඳම සින්දුව කිව්වේ උඹ මචං. ඔය ජාතිකාභීමානී ගී කියන්නේ අමූලික කෙප්ප. මේක තමයිලු ලෝකෙන්ම උතුම්ම රට. අම්මගේ රෙද්ද තාමත් වැනේ වැලේ මචං. සුඩානේ උනුත් සම හරක් විට උන්ගේ රට ගැන එහෙම හිතනවා ඇති. මේක මාර රටක් කියන්නේ බං, මේ රටේ උන්ට පොඩි පිකප් එකක් දෙන්න මෙහේ කවි ලියන්න උන් නැති නිසා, ටිබෙට් රටින් ඉම්පෝට් කොරලා ජාතිය ඔප් නංවන්න, කොඳු කෙලින් කරන්න, ජාතිකාභීමානී කවි ලියපු, එස් මහින්ද හාන්දුරුවන්ගේ කවියක් අද පාර පුරාම ගහලා, අමු හොරෙක්ගේ පොටෝ එකක් දාලා. මහින්ද හාමුදුරුවෝ උන්නා නම් ආයේ ටිබෙට් යයිද, එක්කෝ රවිරාජ් වගේ වෙඩි තියාගෙන මරෙයිද කියන්න නම් දන්නේ නෑ. 

Jan 12, 2017

ඉරිසියාවේ ගස (පවුල් ගසක් උව විය හැක) - The Jealous Tree (May be a Family Tree)



ඕන එකෝමත් එක රටක, එකෝමත් එක කාළෙක, එකෝමත් එක මනුස්සයෙක් පාරේ යන ගමන් ගලක් කකුලේ වැදුනා. පොරට එක පාරටම මතක් උනා මැණික් ගලේ පය හැපුනත් කනා ඇහිඳලා ගනීද කියන කතන්දරේ. කෝකටත් කියලා ගලත් අතට අරගෙන යන ගමන්, මහන්සියට ගිමන් නිවා ගන්න මහා විශාල ගහක් යට නැවතුනා.

Jan 11, 2017

සහන් කසීර බ්ලොග් ආගමනය - Sahan Kaseera joins Sinhala Blogging



සියල්ලටම කලින් කියන්න ඕන, අපේ බ්ලොග් ලොව ආමි කාරයා හෙවත් විචාරක මහත්තයා පොඩි අසනීප තත්වයක් නිසා ආමි හොස්සපිටැල් එකේ නවත්තලා ඉන්නවා. එයා කියන විදියට නම්, එයා දොස්තරලත් එක්ක ටැස්ට් මැච් කීපයක්ම ගහන නිසා ඒ ටික ඉවර වෙනකන් ගෙදර එන්න බැරි සයිස් එකක්ලු තියෙන්නේ. ඉතින් අපි උන්නැහේට ඉක්මන් සුවය ලැබිලා, ආයෙත් ඇවිත් හතර අතේ නෙලන්නෙයි කියලා ප්‍රාර්ථනා කොරනවා හිටන්.

Jan 10, 2017

විමල් වීරවංශ කතා වස්තුව හෙවත් මෝහිණිගේ පුත්‍ර රත්නය - Mohini's Son



මෝහීණි ගැන හැම එකාම අහලා තියෙනවාය. ඒත් මෝහිණි එන්නේ තනියෙන් නෙමේය. පොඩි එකෙකුත් එක්කය. ඒ කාළේ මෝහිණි දැකපු උන් අනන්තවත් උන්නාට දැන් එයා පේන්න එන්නේ නැතිය. ඒ වාගේම, හැම වාහෙම මෝහිණි ගැන කතා කලාට, මෝහිණිගේ පොඩි එකා ගැන කතා කොරන්නේ නැතිය. මාතලන් මේ කියන්න යන්නේ මෝහිණිගේ පොඩි එකා ගැන කතන්දරයය.